星味坊烘焙專門店

Open Now

Now Closed

前一晚無意中係Youtube見到呢間麵包店嘅影片，即刻諗起中意食蛋撻嘅妹妹，加上小店離自己工作地點好近，第二日收工就買嚟試😏。同事話每日LUNCH TIME都會見到有人排隊😯，聽聞好出名，但從未食過；聽完佢地咁講，令我更加期待🤔。平日5:40左右到達小店，當時人流唔多，唔駛排隊，而且門口已經放左兩盤蛋撻。先入店內買飛，然後到門口以飛拎撻。我覺得自己好好彩😀，唔係遇到啱啱出爐嘅蛋撻，因為我見好多人話個撻太熱，出好多倒汗水，令個撻皮軟左omg…. 由於我要坐個幾鐘車先番到屋企，所以買左3個 (3個以上先有盒)。拎上手果陣，個盒仲熱熱地，撻香由個盒窿飄出嚟🤤。招牌人氣布甸蛋撻 @$12番到屋企急不及待打開佢🙉，嘩!!! 真係好大隻，足足有我一隻手掌心咁大!! 😲布甸蛋漿有1吋厚，而且好滑、有蛋味、唔係好甜，甜度比一般包店低好多(我中意😏)，質感似係食緊法式焦糖燉蛋走焦糖嘅feel，自己食完一個已經好感滿足😌。撻皮做得幾薄，唔會好硬，入口仲有少少鬆化感，牛油味都有少少。如果係蛋撻愛好者，可能會對呢款布甸撻有少少失望，因為佢似燉蛋多過似蛋撻，蛋漿較厚、較實、甜度較低、蛋味弱少少。