Video
Read full review
2020-06-11
583 views
今日約左個住杏花邨嘅朋友喺杏花邨商場食飯，呢個商場9成店舖都係藍色連鎖店，難得呢間係黃店，加上我朋友話佢係全個杏花邨最好食嗰間，所以今次就試下啦！一向都唔係cafe嘅fans，甚至係有啲抗拒啲內部裝修好fancy好可愛嘅cafe，因為我一直凝住佢哋啲「派對食物」會唔好食，非常意外嘅係食物質素非常之高！-「黑松露野菌意式薄餅下午茶」（$58）呢個真係超好食😍 我嘅朋友係松露粉絲，大力推薦，果然冇錯。份量好大，好多嘅芝士🧀，有拉絲呢，估應該落左唔少mozzarella，而味道則有香濃車打芝士。雖然佢收得唔貴，松露味好香好濃，真係啖啖都有嗰種獨特嘅芳香。佢有好多菇，佢係滑同有汁，食得出係新鮮菇🍄。因為我好鐘意食菇，有時都會喺屋企煮菇，但往往都狂出水😓，但佢嘅菇冇整到個pizza 濕曬😙。個pizza 本身熱嘅時候唔太乾，但係因為我地食左好耐，後期凍左就比較乾身，所以記得要陣熱食，下午茶必叫😊-「鐵板芝士奄列黑椒一口西冷飯」（$79）用一個熱辣辣嘅鐵板送上，侍應再幫我地淋上黑椒汁。唔似出面餐廳用越南米，佢係用珍珠米，粒粒飽滿，同唔會痴埋一舊，再加啲粟米，好好食👍 黑椒汁唔太辣，所以唔好辣嘅朋友
-
「黑松露野菌意式薄餅下午茶」（$58）
呢個真係超好食😍 我嘅朋友係松露粉絲，大力推薦，果然冇錯。
份量好大，好多嘅芝士🧀，有拉絲呢，估應該落左唔少mozzarella，而味道則有香濃車打芝士。雖然佢收得唔貴，松露味好香好濃，真係啖啖都有嗰種獨特嘅芳香。佢有好多菇，佢係滑同有汁，食得出係新鮮菇🍄。因為我好鐘意食菇，有時都會喺屋企煮菇，但往往都狂出水😓，但佢嘅菇冇整到個pizza 濕曬😙。
個pizza 本身熱嘅時候唔太乾，但係因為我地食左好耐，後期凍左就比較乾身，所以記得要陣熱食，下午茶必叫😊
黑松露野菌意式薄餅下午茶
$58
10 views
0 likes
0 comments
黑松露野菌意式薄餅下午茶
$58
10 views
0 likes
0 comments
-
「鐵板芝士奄列黑椒一口西冷飯」（$79）
用一個熱辣辣嘅鐵板送上，侍應再幫我地淋上黑椒汁。唔似出面餐廳用越南米，佢係用珍珠米，粒粒飽滿，同唔會痴埋一舊，再加啲粟米，好好食👍
黑椒汁唔太辣，所以唔好辣嘅朋友都唔洗怕，但係加埋西冷粒真係好夾😋。
而佢有好多舊牛仔粒，雖然係全熟，但係因為有肥有瘦所以唔會好韌，同佢醃得好好，唔會太鹹，送飯一流。
至於個蛋奄列就好厚，但熟左啲啲，所以就唔會有流心嘅效果，同唔會有蛋炒飯嘅效果。可能唯一要彈嘅係我唔覺個奄列有咩芝士味，但其實齋係呢個黑椒汁已經非常惹味，話唔定加埋芝士反而會喧賓奪主！
鐵板芝士奄列黑椒一口西冷飯
$79
10 views
0 likes
0 comments
鐵板芝士奄列黑椒一口西冷飯
$79
6 views
0 likes
0 comments
-
「香脆流心芝士條配薯條下午茶」（$38）
我向來唔太鐘意呢種party food，因為通常好熱氣加唔好食，但呢個又幾好食啵😗
都係有拉絲效果，同芝士味都幾濃👍。外面嗰層炸粉唔算厚，唔似外面嗰個炸粉多過啲料😅。另外要讚嘅係雖然我地吹水吹左好耐啲芝士條已經凍曬，但都唔會變到腍bat bat!
至於薯條，佢就唔似連鎖快餐店嗰啲咁幼，同唔會炸到乾淨淨😜。不過尼啲真係食多幾條都會漏，我鐘意食黑松露pizza 多啲🍕。
香脆流心芝士條配薯條下午茶
$38
4 views
0 likes
0 comments
香脆流心芝士條配薯條下午茶
$38
3 views
0 likes
0 comments
-
「金牛」同「焦糖鮮奶咖啡」（加$10）
「金牛」即係朱古力雪糕配汽水，好特別嘅搭配，但出奇地夾🤡。一定要講係個朱古力雪糕，唔係齋雪糕咁🍨，入面有朱古力粒🍫，所以我朋友不停講笑話「食左杯嘢飲😂」。同當雪糕融左，都同汽水幾夾😗。
我朋友就叫左「焦糖鮮奶咖啡」，佢話味道似市面美式咖啡連銷店嘅拿鐵咁😂。同佢唔會得個齋甜，有淡淡嘅咖啡香味，都幾好飲。
下午茶加十蚊就可以轉特飲，多好多嘢揀，我覺得CP 值幾高😉。
金牛、焦糖鮮奶咖啡
$10
3 views
0 likes
0 comments
-
最後收據有彩蛋😍 值得支持！
Post
