Video
Read full review
2023-04-21
187 views
長期排隊嘅燒肉店，當日夜晚九點去到都要等位，建議用app提早拎飛。餐廳以外星人做主題，一人一爐自由調教火力，座位又唔會太迫。用QR落單後，食物會由飛船送出，類似迴轉壽司嘅概念，十分特別。上菜速度幾快，可以多啲時間燒肉。食物方面，主要有唔同部位嘅牛、豬、雞，仲有魷魚同少量蔬菜。可以單點或套餐，套餐包括白飯、湯、迷你沙律或泡菜，可加$15升級紫菜蛋飯。野飲散叫。超級貼心！套餐同大部分肉類都分咗唔同份量。套餐有100g 200g 300g，單點有50g 100g。可以因應食量揀返，細食嘅朋友唔使擔心食唔晒！最平嘅餐 $48就有100g牛或牛加豬，肉質同調味都啱錯，仲有幾款醬汁，抵食！俾完錢仲可以草分摸外星人figure。會encore. 推介指數：8/10📍 EaT燒肉 (沙田)沙田大涌橋路20-30號河畔花園地下19-20號舖
食物方面，主要有唔同部位嘅牛、豬、雞，仲有魷魚同少量蔬菜。可以單點或套餐，套餐包括白飯、湯、迷你沙律或泡菜，可加$15升級紫菜蛋飯。野飲散叫。
超級貼心！套餐同大部分肉類都分咗唔同份量。套餐有100g 200g 300g，單點有50g 100g。可以因應食量揀返，細食嘅朋友唔使擔心食唔晒！最平嘅餐 $48就有100g牛或牛加豬，肉質同調味都啱錯，仲有幾款醬汁，抵食！
俾完錢仲可以草分摸外星人figure。會encore.
推介指數：8/10
📍 EaT燒肉 (沙田)
沙田大涌橋路20-30號河畔花園地下19-20號舖
Post
