番本日式放題 (Closed)

最愛食日本野既我,同朋友行開旺角,當然人多,搵食難!行到手軟腳軟,勁肚餓,搵個地方落腳,休息下,食返餐今次系"番本"日式放題,地方幾大,坐得都幾舒服食物選擇都幾多,味道唔差,抵食,!去片一黎坐低當然系叫刺身啦,啦啦臨寫野,好快轉眼食物已經黎到,真係寫幾多黎幾多!幾驚食唔晒!有原隻甜蝦刺身,好好味,仲有蝦高喎!三文魚肥美,仲有最愛既希靈魚,好新鮮!再黎就係壽司同卷,不過食得太快無影相,火灸三文魚系我最愛,燒完既三文魚油真係好香好好味,卷就最愛芒果大蝦卷,芒果同蝦配得好岩!好多汁,香甜再黎牛油栗米,好香味,推介,栗米好甜!正另外清酒硯,酒味清新,帶出硯既鮮味,呢板又系推介之作另外最愛食豬腸同牛利,雖然唔健康,但忍唔住口叫左少少試下,味道香濃,又爽口,唔錯食!食左個零鐘已經食唔落啦!勁飽!如果你問我番唔番到本?我一定答"番本啦"XD食埋個雪米支甜品,就走人,再戰旺角行街買野!不過食之前真係要book位!勁多人排隊!