Amour Cafe (Moved) New Location

因事去佐敦，忽然想食意大利粉，朋友介紹我去了這間Amour Café。點了「奶油蘑菇煙鴨胸意粉」、咖啡和Cheesecake，一落單老闆娘就問：「你等唔等得？好耐架喎！」我問要等幾耐，佢話要半粒鐘，又真係冇呃你，確實係要等足半粒鐘，趕時間的朋友真係唔好嚟。但要等咁耐我相信佢係好有心機泡製啲意粉出來，食後亦冇失望（雖然亦冇特別驚喜）。意粉的料和分量都好足，食完飽到頂上心口；不過口感就沒有想像中彈牙，不過也不差。比較失望係個汁，我個人喜歡creamy 的汁，但這個汁我覺得太稀。最後係坐我隔離那兩位女士讚不絶口的cheesecake，少少的一片，味道不太甜，吃完不膩，但個餅底我覺得不夠鬆脆。整體來說我覺得可以一試，價錢也不貴。