豪隍點心工房 (Moved) New Location

無時無刻都想食點心 你要唔要食一甩😸﹣﹣﹣﹣﹣﹣﹣﹣﹣﹣﹣﹣﹣﹣﹣﹣之前係觀塘返工都耐都冇食過，見到人推介成日都想試，限聚又冇得多人飲茶，唯有買外賣上fd屋企食😬▷蝦仁燒賣皇 $26▶豪隍蝦餃皇 $26▷墨西哥叉燒包 $26真正嘅一盅兩件，燒賣一份兩粒少少地咁嗌，但個size就一啲都唔小，好鬼大粒！面頭粒蝦仁都唔輸蝕～ 食落唔錯，肉質唔散爽有啲咬口，燒賣皮又薄😙跟住蝦餃都係啖啖蝦肉，不過水晶皮係敗筆，厚過我塊面皮😟墨西哥叉燒包係朋友指定要食嘅！外面睇有少少似雪山叉燒包～本身唔太鍾意食白色個隻叉燒包，但呢個好好味！外皮脆脆地，中間唔係食空氣有嘢咬，包同餡比例完美，香甜叉燒汁bit晒出嚟！﹣﹣﹣﹣﹣﹣﹣﹣﹣﹣﹣﹣﹣﹣﹣﹣▶山竹牛肉球 $24▷高湯鮮竹卷 $24▶豉汁蒸鳳爪 $26鳳爪腍晒入晒味，非常正。鮮竹卷、牛肉球都唔錯，一個索晒汁夠鮮甜，另外一個牛肉打得滑好彈珍，兼食得到爽口馬蹄粒～▷蜜汁叉燒腸 $26▶鮮蝦菜苗餃 $24▷脆皮雞中翼 $24▶四寶雞扎 $30其他冇乜特別印象，凈係記得透明水晶皮真係好厚🤣 除返三人都係唔使100蚊，嗌咗十樣飽到要推畀人食，性價比幾高！新年可以拉埋屋企人