Video
Read full review
2021-02-21
188 views
新開嘅點心店，路過幾次見到好闊落好光猛，就搵咗個周末中午嚟試～咁啱有卡位坐，好舒服，同埋落一半簾唔會太曬。店員好快就上茶，唔係平時飲茶咁揀沖咩茶葉，只係平時茶記嗰種茶。點心選擇都好多，經典大路款式，我同老公都鍾意呢啲多過 fusion 款 最開心係蝦餃燒賣有得揀半份，因為得兩個人食，次次都覺得每人兩粒有點太多～個人推介：黑金流沙包 — 比一般 size 細少少，呢個大細啱啱好。流沙做得好好，全部溶化，如果內餡多啲就仲正！燒賣 — 個餡好實淨，一啲都唔粉，亦唔覺太肥（好多時都食得出肥豬肉...），肉味出。籠仔香辣排骨飯 — 好香好入味，金鳳米好嚼口，個籠好闊大但層飯其實好淺 XD另外仲叫咗蝦餃、金錢肚、豉汁鳳爪、叉燒腸、鯪魚球，全部都係水準或之上。味道、份量、價錢（免加一）、環境各方面都好好，午市另外有飯麵、小食供應，睇食評先知平日早餐有優惠，會回頭再試！
就搵咗個周末中午嚟試～
咁啱有卡位坐，好舒服，同埋落一半簾唔會太曬。
店員好快就上茶，唔係平時飲茶咁揀沖咩茶葉，
只係平時茶記嗰種茶。
點心選擇都好多，經典大路款式，
我同老公都鍾意呢啲多過 fusion 款
最開心係蝦餃燒賣有得揀半份，
因為得兩個人食，次次都覺得每人兩粒有點太多～
個人推介：
黑金流沙包 — 比一般 size 細少少，呢個大細啱啱好。流沙做得好好，全部溶化，如果內餡多啲就仲正！
燒賣 — 個餡好實淨，一啲都唔粉，亦唔覺太肥（好多時都食得出肥豬肉...），肉味出。
籠仔香辣排骨飯 — 好香好入味，金鳳米好嚼口，個籠好闊大但層飯其實好淺 XD
另外仲叫咗蝦餃、金錢肚、豉汁鳳爪、叉燒腸、鯪魚球，全部都係水準或之上。
味道、份量、價錢（免加一）、環境各方面都好好，
午市另外有飯麵、小食供應，睇食評先知平日早餐有優惠，
會回頭再試！
Post
