大阪日本料理

好耐冇入嚟元朗，一場嚟到，當然要搵間小店幫襯下。呢間都幾隱蔽，舖仔細細，環境一般，但價錢就好實惠。叫咗個魚生飯定食，包沙律，前菜，茶碗蒸同麵豉湯，晚市 $102 免加一。

17

沙律係粟米粒配蟹柳，粟米粒唔係好甜，所以如果沙律醬多返少少就更好；前菜係中華沙律，正常味道；麵豉湯入面嘅海帶同豆腐粒都幾多，算有誠意；茶碗蒸雖然份量唔多，但蛋夠滑，入面仲有細細粒蝦肉同帶子，好食。

主角魚生飯好大碗，魚生片有三文魚，劍魚腩，帶子，北寄貝同甜蝦，劍魚腩同三文魚都係厚切，夠肥美，超正；甜蝦都夠新鮮，連蝦頭嘅膏都甜；至於帶子同北寄貝就比較薄切，唔太夠喉😂。飯底好明顯食得出係好飽滿嘅日本米，我嘅至愛。