韓牛韓式燒烤 (Closed)

好少同朋友係星期一至五見面,今日約左放工去食韓燒。行過條街就見到大大個牌指住創興廣場喱間韓牛,入到去要上電梯先會見到。一入門口就見到, 係中學時最鐘意同朋友既個種韓式燒烤放題。一入去就即刻出去拎野食XD 有好多好多肉類選擇, 豬牛雞都各有好幾款, 個人燒烤時特別鐘意食牛,喱到既牛柳粒同牛仔骨特別入味,燒既時候亦唔花時間, 食都可以食多好多呢!另外雞翼亦值得一試, 燒到兩邊金黃色, 好似讀書時去BBQ既雞翼一樣>V<話明放題,喱到仲有不少種類既熟食, 好似泡菜﹑豆芽喱種前菜,同埋壽司﹑春卷﹑青口等, 飲品種類都頗多, 朋友最喜歡飲忌廉溝鮮奶, 喱到既飲品櫃係自己任拎野飲, 唔洗叫店員J 店員既服務都非常好,每次叫換盤都會立即到。可能係因為星期一至五人流冇咁多,但服務態度都值得一讚。