Han Sung Korean Cuisine

朋友同我不約而同想食韓國菜，佢就推薦咗尖沙咀金巴利道嘅嘅呢間韓國餐廳。餐廳環境整潔，座位都相當寬敞，好啱一班朋友或者家庭聚餐。菜式有好多選擇，全部都係地道嘅韓國菜。原來呢間韓國餐廳開咗好耐㗎啦，2001年開店，係區內開店最長時間，加上呢間餐廳係由韓國人主理，相信水準一定唔差！

•韓式豬手（半份）($168)
份量十足，豬手已經用醬汁調好味道，啖啖肉，好滿足！豬手好有咬口同埋含有豐富骨膠原，加埋生菜包同埋兩款自家製嘅醬配搭之下，完全冇油膩嘅感覺。

•牛尾湯 ($128)
竟然有驚喜～估唔到裡面都有5-6塊牛尾！隨湯會附上一碗白飯，經過熬煮牛尾用筷子就好輕易骨肉分離😂同埋啲肉好嫩好好味。單飲牛尾湯清爽甜香不油膩，非常好飲！

•生米酒 $105
酒精濃度6%嘅生米酒配韓國菜一流！甜甜嘅米香味容易入口。