泰COOL (鴻圖道) (Closed)

最喜歡同飯腳走到不同地方搵好西 早排走到觀塘工廠區 發現不少隱世食店 當然唔可以錯過 呢間位於十字路口交界 名符其實樓上雅座 餐廳舖面整潔而且設有卡位 座位舒適闊落 細聲講大聲笑都無有怕 望望餐牌 食物款式齊全多元化 價錢親民公道鮮蝦金邊粉 金邊粉份量不少 炒得乾身鑊氣十足 質感鬆軟煙韌 蛋煎到一格格 包住金邊粉 加上大炸蝦作青睞 賣相吸引 一啖入口 茄汁味道甜中帶酸 對比強烈 蝦肉彈牙爽口  魚露鮮味跟着散發出鮮鹹 濃郁惹味吃時加點鮮榨青檸汁 更添清新風味鹹魚芥蘭炒豬頸肉 芥蘭口感爽脆 豬頸肉爽口有口感 混合鹹魚一併炒 芥蘭同豬頸肉吸盡鹹魚咸香  食落甘香有嚼勁 味道濃郁帶咸香馬拉盞密豆炒牛柳 醬汁味道香濃豐富層次十足 牛柳粒牛味濃郁 油脂甘香可口 唯獨是炒得略為過火 以致肉質有點過韌 蜜豆炒得翠綠 嫩口香甜爽脆 不過整體就是覺得過於油膩熱蝶豆花茶其實蝶豆花本身是沒有什麼味道 最大作用就是用來調色 飲落味道清淡 添加檸檬帶點酸 用作飯後解膩去滯 熱杞子桂圓茶 味道清香微甜 寧神養顏補血