炊豕店 (曉悅) (Closed)

長沙灣最近開咗好多人氣餐廳。聽咗呢間餐多耐，今日終於有機會試下佢。餐廳裝修幾靚，好有cafe 既感覺，仲有戶外位置。雖然佢主打食豬，但佢menu 都有唔同款式既豬俾大家簡。仲要有得簡配飯或粗幼麵。佢啲主食大概都係$5x-$6x秘製豬扒配肉燥汁上枱果陣都有嘩一聲，佢真係好多豬扒同件件都好厚身。佢既份量男仔一定夠，細食少少既女仔會建議少飯。🤣 豬扒既炸粉唔算厚，出面炸到脆卜卜，入面做到幾軟熟。而個肉燥都肥瘦適中，佢係味道偏甜既肉燥。呢個值得推介！ 蔥油豬扒配粗麵豬份量一樣咁多同咁出色。本身個豬扒都香口，再加埋蔥油，味道十分豐富。佢蔥油既份量都係好多，多咗既我用黎撈麵食，正。唐揚炸雞佢一份有五件，佢既炸物果然出色，不論主食既炸豬扒定小食，都係炸到脆卜卜，夠熱同入而既肉都煮得啱啱好唔會太老。