Video
Read full review
2022-08-31
50 views
平時都鍾意發掘啲新開嘅火鍋放題，今次試咗呢間，晚市有3款120分鐘放題套餐，唔同時段價錢由$198至$318不等，第一次先試吓中間價位(*´ω`*) .SRF美國特級肩胛肉眼片 $278 (17:00-22:00入座).🥣 湯底有9款特色湯底，揀咗鳯梨苦瓜豬骨鍋，台灣直送白苦瓜味甘唔會好苦，配上鳳梨同豬骨，湯底味道甘甜順喉，而且有排毒解暑功效，打邊爐都無咁熱氣啦(๑˃̵ᴗ˂̵).🐮 牛類有3款牛肉、滷金錢肚及牛筋，選擇唔算太多。主攻SRF美國特級肩胛肉眼片，油脂分布均勻，肉質爽滑富油脂香。.🐷 其他肉類 豬肉有2款，西班牙五花片肥瘦適中，口感油潤軟嫩。羊、雞類就有澳洲羊肉片及花雕酒雞翼。.🦐 海鮮海鮮有魚蝦貝類等，海蝦新鮮彈牙，帆立貝肉質結實，花膠厚身滑溜，沙白蜆鮮甜冇沙。.🥟 自選配料台式配料有自家製餃子、豬血糕等，鴨血絕對係必食之選，嫩滑入味。蝦滑、黑松露墨魚滑都唔錯，鮮味爽彈！亦唔少得常見嘅牛栢葉、魚皮、響鈴等等。.👅 冷盤前菜有中日台韓各式小食，麻辣豬脷、醉雞翼尖、日本枝豆、泡菜蘿蔔等等，味道正常。.🦞 熱葷小食最驚喜係有火鍋放題好少見嘅任食麻辣小龍蝦，麻辣入味。其他小食仲有鹽酥雞
.
SRF美國特級肩胛肉眼片 $278 (17:00-22:00入座)
.
🥣 湯底
有9款特色湯底，揀咗鳯梨苦瓜豬骨鍋，台灣直送白苦瓜味甘唔會好苦，配上鳳梨同豬骨，湯底味道甘甜順喉，而且有排毒解暑功效，打邊爐都無咁熱氣啦(๑˃̵ᴗ˂̵)
.
🐮 牛類
有3款牛肉、滷金錢肚及牛筋，選擇唔算太多。主攻SRF美國特級肩胛肉眼片，油脂分布均勻，肉質爽滑富油脂香。
.
🐷 其他肉類
豬肉有2款，西班牙五花片肥瘦適中，口感油潤軟嫩。羊、雞類就有澳洲羊肉片及花雕酒雞翼。
.
🦐 海鮮
海鮮有魚蝦貝類等，海蝦新鮮彈牙，帆立貝肉質結實，花膠厚身滑溜，沙白蜆鮮甜冇沙。
.
🥟 自選配料
台式配料有自家製餃子、豬血糕等，鴨血絕對係必食之選，嫩滑入味。蝦滑、黑松露墨魚滑都唔錯，鮮味爽彈！亦唔少得常見嘅牛栢葉、魚皮、響鈴等等。
.
👅 冷盤前菜
有中日台韓各式小食，麻辣豬脷、醉雞翼尖、日本枝豆、泡菜蘿蔔等等，味道正常。
.
🦞 熱葷小食
最驚喜係有火鍋放題好少見嘅任食麻辣小龍蝦，麻辣入味。其他小食仲有鹽酥雞、炸花枝丸等等，不過太多嘢食都試唔晒。
.
🥬 自助區
自助區有多款蔬菜、丸類、素食類及麵食等，款式都幾多，醬料區同樣非常齊全。
.
🧃飲品
除咗有包裝罐裝飲品外，仲有自家冷泡茶，連啤酒、清酒、梅酒都可以任飲。
.
🍨 甜品
甜品有布甸、大福、蛋糕，同多款雪條等等，仲有軟雪糕機可以加多款toppings，真係要留肚食甜品。
.
總括而言：餐廳環境寬敞，坐得幾舒服。中間價位呢款套餐肉類款式雖然唔算太多，但其他食物選擇非常多而且質素不錯，以價錢來講性價比高，好滿足的一餐( ˘ ³˘)
Post
