餐廳雖然唔算大，但都幾舒適，經店員推介下，我地點了個二人套餐～A餐，包括有“炆牛肋骨煲”，“韓式海鮮煎蔥餅”，“石頭傳統雜錦牛肉飯”，另外再叫咗個“柚子豆腐沙律”
首先店員先上餐前小菜
有蓮藕，波菜，海帶同泡菜，味道唔錯
炆牛肋骨煲，之前食開果D牛肋骨係乾身嘅，呢個有湯嘅牛肋骨一樣咁好味，蘿卜好清甜，最後連湯都飲埋，值得讚👍👍
韓式海鮮煎薄餅，餡料非常豐富，有鲜蝦，鱿魚，蜆肉同大蔥，食落香軟煙韌可口，正！👍👍
石頭鍋飯，熱辣辣嘅飯香加隻生蛋及自製醬汁撈勻，真係香氣四溢！！
最後黎個柚子豆腐沙律，仲以為係一粒粒果D柚子肉添，原來係柚子味果醬，林喺豆腐及生菜上面，食落令人有種清新的感覺，超讚👍👍👍！整體各方面都唔錯，有地道韓國風味，價錢又相宜，會推介俾朋友！！
