Video
Read full review
2021-04-08
167 views
一直都想試呢間激安燒肉工房，原來最近係係尖沙咀開左分店❤️即刻bk位去試下。尖沙咀分店都算幾大，座位闊落，坐得都幾舒服🤣平時食燒肉最怕食到成身油煙味，但店舖嘅通風做得唔錯，食完都冇呢個問題👍九宮格燒牛盛盒（$288）呢個我見幾乎去親嘅人都會點，我地當然唔可以錯過喇🤣話明九宮格，顧名思義就係有9款唔同部位嘅牛，每個部位有2至3塊到，幾適合2個人share. 當中最令我驚艷嘅係佢嘅厚切牛舌，燒完後口感非常彈牙而嫩滑，下次再食嘅話應該會單點🤤日本A4和牛西冷 （$248）200蚊左右就食到A4級嘅和牛，仲要份量都唔少，果然係激安🤤見到碟和牛油花咁靚，一上枱就迫不及待燒左佢先。和牛我習慣燒到半熟，食落唔算係入口即溶，但都算係juicy而且油分十足；但因為始終係和牛，油份相對較重，食得多會覺得好膩，最好食都係第一啖。紫菜月見飯（$28）呢個係必點👍佢嘅味道其實有少少似牛角飯，上面同樣加左紫菜，生雞蛋同秘制嘅醬汁，但可能因為醬汁嘅分別，我覺得甚至比牛角飯好食😋非常推薦。整體黎講野食水準都唔錯，係食落稍為比較油膩，人均消費唔洗$300已經食得好飯，抵食過牛角放題🤣
九宮格燒牛盛盒（$288）
呢個我見幾乎去親嘅人都會點，我地當然唔可以錯過喇🤣話明九宮格，顧名思義就係有9款唔同部位嘅牛，每個部位有2至3塊到，幾適合2個人share. 當中最令我驚艷嘅係佢嘅厚切牛舌，燒完後口感非常彈牙而嫩滑，下次再食嘅話應該會單點🤤
日本A4和牛西冷 （$248）
200蚊左右就食到A4級嘅和牛，仲要份量都唔少，果然係激安🤤見到碟和牛油花咁靚，一上枱就迫不及待燒左佢先。和牛我習慣燒到半熟，食落唔算係入口即溶，但都算係juicy而且油分十足；但因為始終係和牛，油份相對較重，食得多會覺得好膩，最好食都係第一啖。
紫菜月見飯（$28）
呢個係必點👍佢嘅味道其實有少少似牛角飯，上面同樣加左紫菜，生雞蛋同秘制嘅醬汁，但可能因為醬汁嘅分別，我覺得甚至比牛角飯好食😋非常推薦。
整體黎講野食水準都唔錯，係食落稍為比較油膩，人均消費唔洗$300已經食得好飯，抵食過牛角放題🤣
Post
