琛仔小廚

Open Now

Now Closed

又出大埔搵食，南盛街真係特別多嘢食，上次食完韓國菜及餃子後，今日來試下西餐。餐廳面積唔算大，但多人時可以上閣樓，今日差唔多兩點黎到，可以坐樓下。午餐都係四十零蚊左右送熱飲，加5蚊有湯，都算抵食。今日叫咗炸軟殼蟹午餐，由於唔係太肚餓，所以揀咗配薯菜。等咗大約十分鐘左右，食物就到喇。軟殼蟹都幾大隻，即叫即炸熱辣辣，配上青檸汁，酸酸地非常開胃，薯菜亦炸得香脆。值得一讚嘅係廚師為防止客人感覺太油膩，伴碟有少量沙律，食完咁豐富嘅午餐後，食返少少沙律，感覺好清新。