食鮮辣滷車仔麵

Open Now

Now Closed

小店位於灣仔藍屋旁邊，主打車仔麵，可按個人喜好選擇主食、配菜、醬汁、小食等，價格親民且服務態度友善。店內座位唔多，但座落舒適，唔會覺得好逼，喺附近返工嘅可以試一試。配料選擇好多，牛展、肥牛、豬頸肉、豆腐、鳳爪、蛋、台灣腸、魚肉春捲、蘿蔔、紫菜等，樣樣要少少，同朋友share啱啱好。麵條方面有咖喱撈麵同大辣mix咖喱醬米線，軟硬程度適中，而且幾掛汁！大力推介拳頭母，福建美食，第一次見，係形狀似拳頭嘅豬肉類製品，大大粒，咬落彈牙，一定要點。芋頭丸係自家製，入邊有真芋蓉，綿綿哋又保持到彈牙嘅口感。咖喱魷魚夠爽口，咖喱唔算好濃，反而食到魷魚嘅鮮甜味。豬紅滑溜，帶半分爽口，鍾意食內臟嘅冇可能唔叫！最後要埋杯荔枝特飲Gur一Gur，整體性價比高會回訪。