亞當麵館 (Closed)

今日喺尖沙咀行完街，見到呢間車仔麵店，唔算太貴，就入去試吓。金沙脆皮牛坑腩呢度嘅招牌菜，緊係叫黎試吓，外面炸到脆卜卜，加埋咸蛋黃嘅味道，勁正，牛坑腩肥瘦適中，唔錯。椒鹽八爪魚咀炸得好脆口，點埋沙律醬，又幾惹味。亞當蒜蓉雞翼尖勁香蒜蓉香味，辣辣地，雞翼炆到好淋好入味。刀削麵，生腸，雞翼，韭菜餃食車仔麵好少食到刀削麵，所以叫黎試吓，又唔錯，食落煙煙韌韌，又吸到湯汁，雞翼滷得好入味，韭菜餃勁大隻，勁多涵，生腸勁爽口。油麵，豬紅，陳皮魚旦，豬大腸，雞腎豬紅好入味，豬大腸洗得好乾淨，帶少少肥，好甘香，雞腎爽口，而陳皮魚旦都好香咖哩味。加10蚊有油菜，叫咗2款菜，腐乳通菜＆蠔油菜心，勁大碟，抵食。加8蚊叫咗豆漿，幾濃郁，唔太甜，有豆味。