阿四車仔麵 (Closed)

同朋友行街購物成大半日，滿載而歸🛍，差唔多六點，朋友話不如食碗車仔麵後返屋企，佢帶我嚟呢到，冷氣開放，招呼周到，一坐低，舒服晒😆。我要咗：咖喱魷魚🦑$12、豬腩肉🐷$12、油菜🥬$9、辣豬皮$9、粗面$12，咖喱汁。朋友就有就要咗：午餐肉$10、菜心🥬$11、瑞士雞翼🐥$10、牛腩🐮$12，烏冬$15，佢再加咗杯熱奶茶$10。全部食物基本上都幾好味，特別係豬腩肉肥瘦適中好甘香；咖喱魷魚🦑 口感爽脆好美味；特別一提係嗰一湯羹嘅咖喱汁✨，出奇地濃郁美味；朋友就話佢嘅午餐肉煎得好香口，外邊仲脆脆哋，佢話好正😋。每張枱都有自家製辣菜甫，讓客人隨意添加，辣辣地，好惹味。