一君士多 (Closed)

車仔面係我最愛，一直想試一君士多但油麻地不設坐位，今日難得經過就試一試。一睇個餐單，選擇多而且小食幾吸引，仲有甜點有驚喜。但因為已經九點幾，好小食同餸賣哂。價錢，三餸面$40 加一餸另加$8，算平。點咗四餸全部係有星星的推介，以地區同價錢來講，份量算多。湯底：濃得黎飲咗幾啖都唔口乾冬姑：好厚身，炆得入味香甜，份量多，讃！大腸：好乾淨冇怪味，而且好肥美，讃！牛筋：唔係間間車仔面有，淋而不爛咖哩陳皮魚蛋：好小有，但因為我自己煮過呢種魚蛋，就覺得佢咖哩味唔夠，不過正因爲汁唔濃味食得出魚蛋本身個味。服務：店面多人而且有禮貌不過好似好生手，有人漏單，上菜偏慢，而且枱面的餐具都冇哂都冇fill 返。整體感覺滿意係有誠意小店，唔係專做遊客嗰種。