鳴越 Pho (Closed)

繼續晚上六點禁堂食，今年boxing day一早同男朋友去野餐露營，食咗少少野，之後6點前到中環下午茶，選擇了食越南野。嚴選香茅豬肉撈檬香茅豬肉醃得很入味，不錯，入口很嫩，肉質鬆軟得來又有啲爽口，如名真的嚴選，而且數量好多。檬粉混入了大量的青瓜絲，紅蘿蔔絲及生菜絲，吃起上來清新爽口，另外少許的花生碎及炸蒜，令檬粉更加口感豐富，加入鹹鮮魚露，吃過不停。越南生牛河牛肉薄薄，剛剛半生熟，顏色粉嫩粉嫩，相當吸引，而且入口即溶。湯底還算濃郁，牛肉有四大片其實分量算OK，不過如果牛肉可以好似香茅豬肉咁多就好啦🤣。瑯南塔炸蝦餅呢個係下午茶套餐嘅追加小食，加$28。原來瑯南塔係老撾既城鎮，炸蝦餅不過不失，都唔會太油，蝦餅沾上泰式酸辣醬，不錯的小食。此外，下午茶套餐還包飲品，凍飲加$3。40多元的下午茶套餐可算是超值，而且味道不錯，性價比都算高。