越男仔

Open Now

Now Closed

聽聞呢間越南餐廳質素唔錯，放假走去試。佢哋嘅午餐選擇幾多，價錢大約$45-60。我哋兩個人總共叫咗一碟海南雞飯，一碗生牛河，再加一個拼盤。個人覺得份量啱啱好，食完唔會太飽，而且質素不錯，呢個價錢好抵食👍🏻👍🏻。海南雞飯：因為個人喜好，我轉左白飯，佢哋個雞好滑，再加埋個汁正😆。我幾鍾意佢地唔會太油！重點係雞既份量唔少，岩岩好配曬成碗飯！生牛河：湯底好入味，建議可以再加少少辣椒同埋蒜油，會更加惹味，可以問店員拎🤤。牛肉都有大概六至七塊，唔差，但如果河粉份量可以多少少就好🙈王牌拼盤：佢個拼盤包括手撕雞檬紙卷+素春卷+無骨鳳爪沙律。佢個手撕雞檬紙卷好入味，入口多層次，推薦推薦，值得一試。素春卷無咩特別，不過幾欣賞佢哋啲嘢食唔會太油。至於無骨鳳爪沙律，味道一般，可以唔洗食😂，不過如果鍾意食沙律嘅都可以嗌，有勁多沙律菜。整體來講，都有8/10分，如果咁岩喺附近又諗唔到食咩，絕對可以過嚟試吓。