餐廳位於大圍站附近，好容易就搵到，環境乾淨，坐得都舒適😊
餐牌有好多選擇，樣樣都好想試😃
叫咗重量級越南火車頭，河內小食拼盤，鮮芒果西米露，冰鎮凍奶茶！
重量級越南火車頭（二人份量） $130🥰
係河內越式料理嘅招牌菜之一，以獨特嘅火車頭製作方式而聞名，而火車頭喺指使用大型鍋具，桌上製作豐盛嘅越南火鍋。
真係超超大碗，份量超多，好足料，湯底味道濃郁，滿滿牛骨香味。
河粉超滑，掛湯，吸晒濃郁湯底。
有生牛肉，牛展，牛腩，牛丸，扎肉片，材料好豐富，真係大滿足！
生牛肉好新鮮鮮嫩，牛展唔錯，牛腩炆得好腍，幾入味，牛丸非常之彈牙爽口，扎肉片幾彈牙。
河內小食拼盤 $140😊
安南鮮蝦米紙卷
以蝦肉、蔬菜和香草包裹在米紙中，搭配特製嘅醬。蝦肉好新鮮，彈牙，蔬菜爽口鮮嫩，點沾埋醬汁，配搭好開胃
炸春卷
非常之香脆，餡料好豐富，有粉絲，紅蘿蔔絲等等，口感充滿層次感。
炸蝦餅
炸到外脆內嫩，蝦肉非常之結實，彈牙，食得出蝦肉好新鮮，出色！
炸雞翼
外脆內嫩，雞肉好入味，加埋辣醬，好正
鮮芒果西米露 加$12
好多西米露同鮮芒果，好足料
冰鎮凍奶茶 加$12
茶味香濃，幼滑！
