越一越南牛肉粉專門店 (Closed)

今日同堂細妹去開鳳凰村附近，諗住一住食埋晚餐先返屋企。住開黃大仙咁耐都知道鳳凰村好多隱蔽小店，今晚突然想食越南菜就決定一試。鋪面好大，夜晚唔會太多人迫，可以坐得舒舒服服。佢有二人餐選擇，分別係火車頭，牛油雞翼同軟殻蟹，價錢都好合理，唔算貴。我地要左牛油雞翼個餐，好香牛油味，上碟熱辣辣，肉質鮮嫩，仲好大隻再配合個米紙卷清下油膩，好夾，份量都好多。野飲我地叫左凍咸甘桔同熱薏米水，不過不失。主菜係試左生牛肉檬粉同香茅豬扒河，真係好大碗，份量一啲都唔孤寒，牛肉鮮嫩，好味，豬扒剛剛好，真係好入味，推介！之後仲有個生菜配埋，成餐飯都好飽，岩哂餓鬼去食，埋單先200，仲要免加一，好味兼抵食！下次一定會再去想試埋個軟殻蟹