蟹家鉄板燒 (Closed)

星期六Lunch time 去，通常都有位，坐得舒服。lunch set 包咖啡茶。我叫咗個蟹炒飯定食同牛薄燒、蝦、三文魚及帆立貝定食。佢嘅蟹炒飯好香，蟹肉好多，葱粒好香。飯質彈牙有咬口，湯係蟹肉味增湯，入面有一隻蟹鉗，湯底清淡，味增味比蟹味重。牛薄燒、蝦、三文魚及帆立貝都好好，牛肉薄燒餡料好足，多蔥係重點，牛肉味香濃，燒得啱啱好，唔會太老。 蝦肉彈牙爽口，唔似一般雪蝦。三文魚就熟左少少，無咩魚汁。帆立貝比較細仔，食落一般，仲有啲椰菜，炒得好香，唔會太淋。咖啡就麻麻地。蟹炒飯定食 $98 +10%牛薄燒、蝦、三文魚及帆立貝定食 $168 +10%.