牛一 (利舞臺廣場)

Open Now

Now Closed

今晚友人想打邊爐，所以我哋一行四人就去左利舞臺間牛一。牛肉選擇多，有不同質素選擇，而且價錢平，我覺得幾抵食。我點左極上美國牛，以其他食店任食放題的經驗，初上時會係靚牛，但愈上啲牛會愈差，睇睇這間會否不負眾望。我哋每次都五板五板甘叫，牛肉因為切得夠薄，淥落湯度會好快熟，而且唔怕 overcook，食落美味。除了牛肉，還有其他食物在自助 bar 任攞。菜類款項多，總有一款會適合大家。有軟雪糕任食，可加不同配料。我個人最唔鍾意啲九唔搭八的食物，例如食韓燒有豬腳薑。今次食店就係有炸魚皮。我個人喜歡食炸魚皮，但在適當地方要食適當嘢，九唔搭八會令人好反感。整體而言，食店服務爽快有禮，環境舒服，食品質素高。除了炸魚皮外，各方面都值得欣賞。