老闆喺外國讀書嘅時候見到度度都有熱狗店，唔洗點等好快就食得。加上佢對德國果度嘅香腸念念不懷，希望可以將高質嘅熱狗帶返香港而又可以迎合港人口味，所以開了此店。
2x歲嘅佢喺五年前在荃灣開咗第一間分店。後來因疫情擴散，加上有年輕人支持，又行franchise，導致疫市擴張十間分店嘅驚人記錄。
店舖我自己數過就已經有41間分店/特許經營商，可以話係黃色經濟圈嘅重大人物。大多商店至少有供應8-10款熱狗，仲有多款薯條同小食。我今次就用外賣平台去自取食物，大約平咗$1-2。
芝味熱狗$38(原價)
「老闆補充，其實唔同口味嘅熱狗都要用唔同種類嘅香腸。如餐廳嘅德國酸菜熱狗就會用紐倫堡腸，辣肉醬熱狗會用荷蘭腸。」而今次介紹嘅呢隻熱狗就用咗法蘭克福腸。
小弟記得上次食熱狗已經係N年前，而我今次就認為佢嘅熱狗都幾大份，cp值中上。拎到返屋企我用咗火熗燒熱芝士，加咗D黑椒/香草，所以其實以上呢D唔係餐廳整嘅，本身面頭只得芝士(Disclaimer)。
麵包本身係冇烘過嘅，係我用火熗嘅時候燒燶咗條邊。內裏蓬鬆唔乾柴，軟熟香綿，質素唔錯，用黎點雞塊配有嘅甜酸醬令佢更有風味(自創食法，餐廳見到呢樣野唔好話我🤣)
香腸有得免費轉豬肉腸，但原先已經好唔錯。外皮脆身爽口，內裏緊緻結實，冇味精味嘅情怳下都帶有肉味，令我對一般快餐店嘅熱狗改觀。
芝士聲稱有三層，又的確係冇呃人。咸香甚重，滿足感高，但其實外賣拎到返屋企之後已經硬咗。又硬又乾嘅芝士大家都明啦，咁呢樣唔可以怪餐廳嘅。內裏仲有幾粒栗米同稀少嘅蛋黃醬。
雞塊x6$20
我對雞塊嘅印象只停留在x記嗰D麥x雞，咁當然兩這不能比較啦。呢個雞塊就比薄身，外層香脆，內裏係有真肉嘅口感。配上經典嘅甜酸醬，當然好食啦。
跟餐+$12
冰菠蘿
跟餐就可以喺“指定”飲品小食當中揀兩款，但估唔到菠蘿都有。如果大家唔想食住可以放入雪櫃，咁就唔會出哂水，菠蘿本身就非常之甜。
薯餅x1
雖然寫明得一塊，但其實就好大片，外脆，內裏薯粒分明，唔係薯蓉嗰隻，呢個偏向有口感，好味。
