Video
Read full review
2017-05-01
5469 views
去觀塘接個朋友收工，佢順手帶我去食一間附近的餐廳。觀塘的工業大廈之中真係隱藏好多美食的，今次呢間叫做February的餐廳，名字都已經夠耐人尋味，內裏的裝修幾浪漫，適宜情侶來浪漫晚餐！叫咗個套餐，先來個帶子煙三文魚沙律，聽個名好似都係平時食開嗰啲沙律，但係上菜的時候都幾令人喜出望外，首先個帶子係有輕輕咁煎過，幾香，而且都幾大粒，三文魚亦都份量很多，而且唔係一片片的，佢幫你切成一條條，配合沙律菜一齊食，令到三文魚肉的size同菜可以配合，幾細心！之後上的龍蝦湯，亦都比我想像中精彩，餐廳毫不吝嗇，龍蝦湯都大大碗，裏面亦都好多蟹肉，十分鮮，龍蝦味好濃郁，湯的質感幾滑，但係又唔會太厚身，作為餐前湯唔會太滯，很好。蟹肉再次出現了！就係main course 橄欖蒜片蟹肉天使面。就咁看圖都見到又係大大碟好抵食，而且碟邊的裝飾幾有心思，令到一碟意粉的賣相加分。而且蟹肉的比例其實都幾高，令到我每一啖意粉都可以同時食到少少鮮甜的蟹肉，蒜香令到意粉的味道生色不少。呢碟好夠肉感的main 可以同時滿足晒你兩個願望，首先由厚身的黑毛豬鞍開始食起，想像中豬肉只能夠係平平無奇的一舊肉，但原來可以咁正，豬鞍肉的油脂
去觀塘接個朋友收工，佢順手帶我去食一間附近的餐廳。觀塘的工業大廈之中真係隱藏好多美食的，今次呢間叫做February的餐廳，名字都已經夠耐人尋味，內裏的裝修幾浪漫，適宜情侶來浪漫晚餐！
叫咗個套餐，先來個帶子煙三文魚沙律，聽個名好似都係平時食開嗰啲沙律，但係上菜的時候都幾令人喜出望外，
首先個帶子係有輕輕咁煎過，幾香，而且都幾大粒，三文魚亦都份量很多，而且唔係一片片的，佢幫你切成一條條，配合沙律菜一齊食，令到三文魚肉的size同菜可以配合，幾細心！
之後上的龍蝦湯，亦都比我想像中精彩，餐廳毫不吝嗇，龍蝦湯都大大碗，裏面亦都好多蟹肉，十分鮮，龍蝦味好濃郁，湯的質感幾滑，但係又唔會太厚身，作為餐前湯唔會太滯，很好。
蟹肉再次出現了！就係main course 橄欖蒜片蟹肉天使面。就咁看圖都見到又係大大碟好抵食，而且碟邊的裝飾幾有心思，令到一碟意粉的賣相加分。而且蟹肉的比例其實都幾高，令到我每一啖意粉都可以同時食到少少鮮甜的蟹肉，蒜香令到意粉的味道生色不少。
呢碟好夠肉感的main 可以同時滿足晒你兩個願望，首先由厚身的黑毛豬鞍開始食起，想像中豬肉只能夠係平平無奇的一舊肉，但原來可以咁正，豬鞍肉的油脂經過高溫煎煮之後溶溶地，好香溜，食落黑毛豬的肉質好彈牙，口感好好！ 
香草羊架就食得多，但係芝士羊架就真係第一次食，係一個幾新穎的配搭，羊架肉被融化了的芝士包圍了，令每一口羊肉可以同時品嚐羊肉的香同芝士的滑溜，雙重濃郁。
味蕾得到大大的飽足，呢餐十分抵食，尾聲仍有甜品來個完美的結局，有藍莓芝士蛋糕同埋奶凍同埋雪米糍，我特別鍾意個奶凍，因為好細滑，本來都已經食到好飽都忍唔住成個食晒。Post
