大壹燒鵝 (啟田大廈)

Open Now

Now Closed

大壹燒鵝今晚想偷懶唔煮飯，同屋企人落樓搵餐廳坐底醫肚！嚟到藍田地鐵站一出約5分鐘路程，就見到好多餐廳，我地就選擇咗大壹燒鵝。餐廳分二層，我地想舒舒服服睇吓電視就上左一層坐底，晚上餐廳有小菜，亦有套餐選擇，款式非常多！由於我哋有選擇困難症，所以揀咗2人套餐。椒鹽鮮魷，落單後約5-10分鐘就上枱，大大份好抵食，配醬汁非常開胃！燒汁薯仔牛柳粒，賣相好吸引，用左三色椒炒，牛柳粒厚切得嚟食落又唔會「鞋口」，而且薯仔炸完再落鑊炒，整體不錯！椰菜粉絲櫻花蝦煲，睇個名以為係上湯浸就錯晒，原來係炒粉絲，第一次見係櫻花蝦多過粉絲，絕對抵食！總結：晚餐連飲品不用加一，每人$150，經濟又實惠。