名館 (希慎廣場) (Closed)

最近有朋友話希慎E間名館好好食, 於是今日去完銅鑼灣換野之後就同朋友去試下! 餐廳環境幾大, 人流幾多, 幾乎坐滿哂!! 🌟芝麻醬雞絲粉皮🐔粉皮口感順滑煙韌, 雞絲份量幾多, 青瓜絲多汁爽脆, 非常開胃嘅小涼拌!🌟冰鎮鮮菠蘿咕嚕肉🍍🐷一上枱已經好吸睛, 外觀相當fancy, 陣陣薄煙四散, 新鮮菠蘿非常鮮甜多汁, 咕嚕肉口感爽脆彈牙!🌟金銀蒜銀魚蒸勝瓜🥒勝瓜蒸得外皮爽脆唔硬, 內裡柔軟多汁, 上層鋪滿蒜蓉, 勝瓜吸哂蒜蓉嘅精華幾好味!🌟豉油王頭抽飯焦蝦🦐大蝦有好多隻, 隻隻都幾大, 口感爽彈肉厚, 炒飯味道夠, 唔油膩, 入面仲有粒粒飯焦, 口感豐富!🌟烏龍茶湯圓湯圓用左舊式茶具奉上, 十分別緻, 烏龍茶底味道清新, 湯圓口感煙韌軟糯, 芝麻流沙饀甜而不膩!