御前大江戶日式料理 (Closed)

第一次食放題會有任食磯燒食，價錢仲唔洗300蚊，鐘意食海鮮嘅朋友絕對可以黎食餐飽。先會黎每客一隻珍寶蠔、活元貝、大虎蝦、鮑魚燒、蟶子皇。隻隻都好新鮮，食落鮮甜多汁。磯燒仲有得追加酒煮硯，食落有香甜嘅酒味，而且硯肉多汁味道鮮甜，正呀！如果唔識燒，每枱都會有份磯燒配方教你點燒😁，非常貼心！除左磯燒，當然唔少得刺身啦，有三文魚、赤貝、帆立貝，仲有大大隻嘅甜蝦，食落新鮮甜美。三文魚頭牛乳鍋（2人份）湯飲落口感厚身好creamy ，味道鹹鹹帶點淡淡嘅牛乳味，再有小小魚油鮮味，質素好高，估唔到係放題都飲到製作用心嘅湯底。入面除左有魚頭，仲有豆腐、菜等等配料添。仲有其他推介食物，羊鞍，同焗廣島蠔