大將 (Closed)

今晚去咗將軍澳搵朋友，佢介紹喺Popcorn嗰邊有間火鍋放題人氣旺盛想試下，擇日不如撞日，就食呢間大將。先講環境，全日式裝修風格，仲有個mini超市，自助區同成個場都好大！！呢度仲有個送餐機械人，一次過可以送多野份餐，十分有趣😀放題有5款選擇，最平連埋加一唔使200，見到佢呢期做緊沖繩主題，主打沖繩石垣和牛同埋山原島阿古豬，我地揀左$368嘅石垣和牛放題，已經包晒澳洲和牛/美國SRF和牛仼食😳湯底有2款:松葉蟹味噌湯同山葵鹽骨膠原雞湯。自助區有20款以上食品，蔬菜區都一樣，仲有熟食區同甜品區，仲可以自製窩夫。呢個A4石垣和牛真係正，油脂分布重肉味濃郁，我地2個淨係呢款都食左5,6盆🤤