Cosmos Restaurant & Bar (Closed)

抵食生蠔，抵飲mocktail😋放工行過又好，係網上見到成日做優惠又好。每次都話想去試下。結果今次真係有時間去食個晚餐試下，果然無令我地失望。環境浪漫，幾舒服。知道佢係睇波既酒吧餐廳，一坐低就緊係黎2杯Mocktail，叫左２杯都係夏日果類型，分別係熱情果味同菠蘿味，唔太甜而且個顏色好靚，唔錯！ 調酒師溝cocktail 溝得唔錯，仲要$98有free flow，抵。叫左半打法國聖馬田生蠔，見到十蚊一隻生蠔咁抵，當然要試下啦，以為十蚊隻質素都吾差，性價比極高，一食落口就覺得礦物味好重，好新鮮，同埋有少少甜味。德國咸豬手配芥茉子燒汁上枱震撼力真係嚇人，因為好大隻。豬手燒得外脆內軟，仲幾多肉，皮下好多膠質，岩曬貪靚既我。侍應哥哥好服務，知道豬手好難切，所以幫我地叫廚房拆肉比我地。牛油煎三文魚 真係煎到是外焦內嫩， 我自己煎三文魚經常都係裡面仲係生生地，出面又乾曬，但我覺得個三文魚煎得剛剛好 ，好香好好食。