Video
Read full review
2021-08-09
148 views
大吃大喝係油麻地一間外賣小店，主打多款爆餡三文治，同時都有提供客飯同野飲。是日去完附近圖書館，行過見倒大吃大喝嘅三文治幾抵食同吸引，就買黎試下。香蔥芝士咸牛肉滑蛋治($35) - 哩度嘅三文治款式都幾多，全部都係厚切爆餡，每款$25，另外可以加餡料每款$5，因為三文治都係即叫即做，所以要等得耐少少。麵包好軟熟唔會乾柴柴，中間嘅滑蛋都真係幾滑，再加埋咸牛肉咸咸香香，飽肚又好味。黑椒磨菇煙肉芝士蛋三文治($35) - 麵包同樣厚得黎好軟熟，黑椒味啱啱好唔會太重，因為加左磨菇，所以食落多左啲咬口。士林台式香酥蛋餅($35) - 蛋餅已經預先切開左，方便一口一件夾起黎食，入面有芝士、火腿同肉鬆，夾起蛋餅見倒芝士仲有拉絲，口感帶少少煙韌，雖然外賣返到黎蛋餅有少少硬左，但整體都唔錯。樽仔奶茶(跟餐加$5) & 樽仔薏米水(跟餐加$5) - 小店有五款樽裝飲品，單買$12/枝，跟餐加$5就飲倒。野飲係原樽雪凍，所以冇加冰，奶茶飲落唔會太淡，唔差得過茶記嘅絲襪奶茶，而薏米水就係少甜版比較健康。平時喺七仔買一份三文治做早餐十幾蚊食完都唔會飽，哩度嘅三文治爆晒餡都係廿幾三十蚊，夠飽之餘仲要係好食嘅，行過可
大吃大喝係油麻地一間外賣小店，主打多款爆餡三文治，同時都有提供客飯同野飲。是日去完附近圖書館，行過見倒大吃大喝嘅三文治幾抵食同吸引，就買黎試下。
香蔥芝士咸牛肉滑蛋治($35) - 哩度嘅三文治款式都幾多，全部都係厚切爆餡，每款$25，另外可以加餡料每款$5，因為三文治都係即叫即做，所以要等得耐少少。麵包好軟熟唔會乾柴柴，中間嘅滑蛋都真係幾滑，再加埋咸牛肉咸咸香香，飽肚又好味。
香蔥芝士咸牛肉滑蛋治
$35
8 views
0 likes
0 comments
黑椒磨菇煙肉芝士蛋三文治($35) - 麵包同樣厚得黎好軟熟，黑椒味啱啱好唔會太重，因為加左磨菇，所以食落多左啲咬口。
黑椒磨菇煙肉芝士蛋三文治
$35
31 views
0 likes
0 comments
士林台式香酥蛋餅($35) - 蛋餅已經預先切開左，方便一口一件夾起黎食，入面有芝士、火腿同肉鬆，夾起蛋餅見倒芝士仲有拉絲，口感帶少少煙韌，雖然外賣返到黎蛋餅有少少硬左，但整體都唔錯。
士林台式香酥蛋餅
$35
8 views
0 likes
0 comments
士林台式香酥蛋餅
$35
15 views
0 likes
0 comments
樽仔奶茶(跟餐加$5) & 樽仔薏米水(跟餐加$5) - 小店有五款樽裝飲品，單買$12/枝，跟餐加$5就飲倒。野飲係原樽雪凍，所以冇加冰，奶茶飲落唔會太淡，唔差得過茶記嘅絲襪奶茶，而薏米水就係少甜版比較健康。
樽仔奶茶& 樽仔薏米水
$5
6 views
0 likes
0 comments
平時喺七仔買一份三文治做早餐十幾蚊食完都唔會飽，哩度嘅三文治爆晒餡都係廿幾三十蚊，夠飽之餘仲要係好食嘅，行過可以買份試下。
Post
