校長燒肉日韓料理 (西裕街)

Open Now

Now Closed

今日去咗元朗一日遊，朋友介紹晚上就訂左位於足彬大廈的校長燒肉日韓料理。晚上七點左右去到，可以任食兩小時，果然全場都坐滿！疫情之下，一入店舖門口店員就比洗手液客人，仲會量體溫，感覺都幾安全。一坐低我就急不及待出去攞嘢食，真係花多眼亂，肉類都有好多包括豬、牛、雞、魚，仲有各款丸類、壽司、刺身、菇、菜等等。所有肉類的味道都好好，就連燒個菜都估唔到可以咁好食。罐裝盒裝飲品任飲，不過我最鍾意就係花茶果茶，我揀咗洛神花酸酸地都幾好飲，仲有清酒梅酒。甜品有蛋糕、雪糕、豆腐花等，我哋揀咗海鹽同奶茶雪糕都幾特別！我同朋友都約好咗下次要再嚟！😋