每張枱都有個爐同鐵板，一入坐，職員就用牛嘅肥膏煎一煎，令到一陣煎嘅時候唔黐底。客人可根據自己嘅喜好，牛肉嘅口感、熟成度由自己掌控。
而個定食就包括：沙律、紫菜月見飯 & 冷泡茶(當日係桂花烏龍)，而午市同晚市嘅分別在於價錢上，但都係相差$10，其實好抵食👍🏻👍🏻
∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴
❥ 吉利牛舌晚市定食 $136
份量好多，足足有廿幾塊❕將邊邊燒到金黃金黃，就會食到吉列皮嘅香脆+軟腍易咬牛味濃嘅牛舌，配埋充滿蛋香甜嘅月見飯，無論係口感定味道都一流😋
❥ 手切鹿兒島黑毛和牛晚市定食 $196
件件都係厚切❕係牛肩部位，油脂分布好平均，令到牛肉嘅表面油花好靚🤩
燒到每邊都變咗色，一食落口，好腍❕成口都充滿和牛香氣，最後飲番啖冷泡茶，好享受呀😌
❥ 雞皮餃子 $48
唔好睇得4小件，每件嘅雞皮都炸到好似食薯片咁，就算稍微攤凍咗，口感依然係度👍🏻
∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴
