肉浦團火鍋放題 (Closed)

新開業位於旺角鬧市的肉浦團-餐廳名搞鬼易記😝放題任食超高質，最平$198有交易，想食好啲可以揀$248/$298/$4xx的套餐～今晚我地食$298/位一坐低會有好吸晴的噴煙牛肉拼盤，刁鑽嘅部位例如封門柳、其他餐廳少見的牛腱肉、回本必食的澳洲M5和牛肩胛、有十幾款牛肉可以揀，牛魔王必到除左多牛肉部位選擇之外，餐廳的牛滑同蝦滑都有亮點之一，蝦滑爽滑彈牙仲有蝦肉，真材實料，牛滑食落有山竹牛肉球風味～海鮮有魷魚、廣島蠔、大蝦平時放題食的蝦好少咁大隻，呢到的蝦恰熟左仲係大大隻，魷魚叫一份已經係全條上，好豪氣，個人最鐘意蠔，鮮甜肥美最後的甜品唔係普通雪條雪米糍，而係韓國直送的芝士蛋糕&忌廉卷，好難想像火鍋放題有咁高質的cheese cake, 綿密柔軟係仲好食過西餐廳，忌廉卷的蛋糕都夠濕潤，加埋中間cream cheese更加好味自助吧有十幾款丸、台灣腸、蔬菜羽衣甘藍、油麥菜等等，炸物有鹽酥雞、另外仲有辛拉麵、烏冬。 飲品區有凍洛神花茶、桂花烏龍、忌廉牛奶、可樂等等湯底有日式港式，昆布湯、壽喜燒湯、芫荽皮蛋鍋、鴛鴦鍋都得