潮龍園

Open Now

Now Closed

呢一間潮式粉面嘅舖頭環境燈光光猛，雅座舒適乾淨🤗見到餐牌幾抵食就即入座🍜1）雲吞牛腩河粉整體味道尚算唔錯！雲吞好鮮味，食到好飽滿既蝦，好滿足！而牛腩口感都非常爽口👍🏻因為湯底加左腩汁，所以味道好濃郁，好有潮式風味。2）頂級墨丸粗麵墨丸彈牙爽口，重墨魚味，食得出唔係一舊面粉😋以一碗簡單平凡嘅潮式粉面來講，算係唔錯。值得讚既低粗麵整得好彈牙，同無鹼水味。3）腐乳通菜濃厚嘅腐乳汁配上爽口清新既通菜做配菜，可以話係錦上添花。