Seafood Stand (Closed)

同事介紹話麼地道有一間食漢堡包嘅幾抵食，所以就去左啦。睇下餐牌，除左有幾款漢堡包選擇之外，仲有幾款沙律同埋幾款小食揀添。舖頭位置不多，但勝在適合幾個人圍埋吹下水。Seafood stand有香港十大漢堡店之稱。厲害厲害。如果叫套餐的話，漢堡餐就包薯條同埋汽水，而沙律餐就包汽水。咁餐牌上亦有bless系列嘅飲品，例如橙汁、蘋果汁等等。bless系列嘅飲品就正價減$10。咁我今次就試下Dr. Detox，咁飲落幾清新幾健康。叫左個煙三文魚沙律，個賣相非常吸引，除左顏色配搭方面令我覺得幾開胃之外，個食物嘅佈置都有花心思。味道方面，薯仔係有烤焗過，值得一讚。煙三文魚不錯。另外，我地就叫左香酥雞堡，個雞少許辣，個人認為幾開胃，而且所有野即叫即炸，好好食。價錢方面絕對超值。