七福神和食亭

Open Now

Now Closed

同同事Farewell party揀咗去呢一間係佐敦嘅七福神和食亭食日本嘢，之前都有食過一次，整體來講性價比好高，所以非常之難忘！於是就揀咗呢一間餐廳啦！重點推介幾款菜式，其中一個就芝麻雞翼！呢一度嘅芝麻雞翼真係好好食，香脆嘅口感，而且再加埋芝麻嘅香味，真係好正！用嚟送酒一流！另外就係呢一度嘅京都豚肉煮！冇諗過呢度嘅豚肉真係咁好食咁出色，豚肉煮得好琳，而且加埋醬汁嘅味道超級入味！肥而不膩！另外仲叫咗兩款主食，一個就係七福神奄列飯，另一個係咖喱牛肉撈烏冬！呢兩款煮食亦都係好美味的！七福神奄列飯分量十足，入面嘅炒飯粒粒分明，炒得好乾身，而且出面嘅蛋亦都係好滑！至於呢一個咖喱牛肉撈烏冬嘅咖喱味道真係好香，鍾意食咖喱嘅一定要試吓，係好香甜有忌廉味道嘅咖喱！