Video
Read full review
2023-09-25
16 views
2023年9月5日 星期二放咗咁長假終於又要開始工作，所以呢幾日都好忙處理公事，放工之後唯有同老婆出街食飯，今晚我哋就去咗黃大仙食呢間餐廳喺黃大仙北館地下，要行到最入先到，不過好容易見到，佢連住一間韓式餐廳，門口仲有個好大既招牌掛住餐廳裡面既坐位係同韓式餐廳share嘅，所以有好多座位，枱與枱之間有足夠距離，坐得幾舒適，而且裝修得幾靚，好似餐廳中間有棵大樹坐喺下面咁餐牌上面可以揀食set或者自由配搭要台式鐵鍋湯，款式好多樣化，價錢仲要唔係好貴添，於是我哋每人叫咗一個set等左大約十幾分鐘，老婆點嘅食物就送到，係紅酒燴牛肉配滷肉米粉，餐廳用咗新竹米粉，食落去比較有咬口同彈牙，牛肉就煮到入晒味又勁腍，份量都唔少之後有小食鹽酥雞，炸得好香脆，而裡面既雞肉仍然保持嫩滑，份量都唔少，兩個人夠晒食呢個係我點既上海排骨配滷肉飯，排骨同樣地煮得好入味，味道平衡得啱啱好，唔會太過酸，滷肉鋪到成碗飯都係，加埋花生一齊食，味道更加豐富飲品方面，老婆要咗特濃奶蓋朱古力，朱古力味好濃郁，上面仲加咗奶蓋，令到口感更加幼滑至於我呢杯就叫做夢，其實係特飲黎，睇落去好似富士山咁，用黎打卡一流，味道酸酸甜甜幾醒胃，仲解去
放咗咁長假終於又要開始工作，所以呢幾日都好忙處理公事，放工之後唯有同老婆出街食飯，今晚我哋就去咗黃大仙食
呢間餐廳喺黃大仙北館地下，要行到最入先到，不過好容易見到，佢連住一間韓式餐廳，門口仲有個好大既招牌掛住
餐廳裡面既坐位係同韓式餐廳share嘅，所以有好多座位，枱與枱之間有足夠距離，坐得幾舒適，而且裝修得幾靚，好似餐廳中間有棵大樹坐喺下面咁
餐牌上面可以揀食set或者自由配搭要台式鐵鍋湯，款式好多樣化，價錢仲要唔係好貴添，於是我哋每人叫咗一個set
等左大約十幾分鐘，老婆點嘅食物就送到，係紅酒燴牛肉配滷肉米粉，餐廳用咗新竹米粉，食落去比較有咬口同彈牙，牛肉就煮到入晒味又勁腍，份量都唔少
之後有小食鹽酥雞，炸得好香脆，而裡面既雞肉仍然保持嫩滑，份量都唔少，兩個人夠晒食
呢個係我點既上海排骨配滷肉飯，排骨同樣地煮得好入味，味道平衡得啱啱好，唔會太過酸，滷肉鋪到成碗飯都係，加埋花生一齊食，味道更加豐富
飲品方面，老婆要咗特濃奶蓋朱古力，朱古力味好濃郁，上面仲加咗奶蓋，令到口感更加幼滑
至於我呢杯就叫做夢，其實係特飲黎，睇落去好似富士山咁，用黎打卡一流，味道酸酸甜甜幾醒胃，仲解去剛才食物既油膩感添
最後我哋每人仲各要左一份甜品，呢個係黑白配芋圓，其實係豆腐花同仙草，同樣地夠滑溜，配合得岩岩好，而且芋圓好煙韌又夠大粒
至於老婆就係芒果乳酪冰沙，原本以為只得冰沙，點知原來冰沙下面仲有香芒爆珠同仙草，十分豐富，兩個人都差啲食唔晒
最後埋單每人百六蚊左右，真係食到勁飽！！
Post
