影左其中兩頁ｍｅｎｕ俾大家參考下，真係睇到花多眼亂XD
越式柚子鮮蝦沙律＄６８
我其實好怕柚子既甘味，覺得好苦，但男朋友想食就照叫啦！
原來溝左越式醬汁食係好好多，酸酸甜甜咁，都幾開胃，如果可以俾多少少蝦就好啦哈哈
越式椒鹽軟殼蟹＄７２
依個都係男朋友話想食既，我只食左一小舊，因為本人唔好軟殼蟹
男朋友話都幾好食，仲要食到有蟹膏好正～
越味皇牛油蒜蓉雞翼＄４５四隻
用得自己店名黎做個食物名，一定有返咁上下信心啦～
所以依個牛油蒜蓉雞翼真係幾好食隻隻都大大隻，有好香既牛油同蒜蓉味，炸到熱辣辣好脆身，真係好邪惡！
越式燒魚＄８８
燒魚亦都係依度既推薦菜式，用燒既形式烹調，帶有少少焦香味（我覺得燒野係有少少焦香脆身先好食，但唔係全燶呀！）
而魚肉不腥啖啖肉，點埋醬汁食好正，係我全晚最鍾意既菜式，我地勁快清哂～
越式燒雞肉串燒＄４８三串
雞串亦都整得唔錯，唔會好多肥膏，燒得岩岩好，配埋花生沙嗲汁，好香口！
青檸梳打＄２６
每次食越南野都要飲既青檸梳打～
