Video
Read full review
2019-08-04
254 views
一直都係個粥底火鍋控，有幾間我都經常去，因為有時兩個人想食海鮮，自己出去買又貴，懶得煮懶得洗，其實粥底火鍋係個唔錯嘅選擇。今日同屋企人來到觀塘呢間發哥粥底火鍋，新開架，都係喺附近做野先知道佢地日頭係360冰室，晚市先會變做海鮮粥底火鍋，位置就喺成業工業大廈。餐廳面積大，非常闊落，冰室裝潢，有卡位，有大圓枱，坐得舒服。牆紙都係香港背景，幾特別。海鮮粥底火鍋套餐分3款，分別有【龍蝦餐】、【海蟹餐】、【大胃王海鮮套餐】，價錢係248/288/438，豐儉由人。套餐非常豐富，性價比高，抵食！每位有涼菜2小碟、蒜蓉泰醬焗青口、時令燉湯、9款新鮮海鮮、安格斯牛肩肉、8款火鍋配料、粥底、竹蔗水/汽水任飲。醬料 15/位拍青瓜好食喎，夠爽同辣辣地，好啱我；泡椒雞腳都有誠意，幾入味架。燉湯足料， 姬松茸花膠熱辣辣，滋陰養生。蒜蓉泰醬焗青口每位兩隻，酸酸辣辣，唔錯啊。首先店員幫我地上左鍋底，我地食到尾都冇再加湯。海鮮好快就一次過上齊哂，超豐富，手機一定要食先。龍蝦、蟹每位半隻，海蝦每位兩隻，帶子每位一隻，貴妃蚌每位一隻，鮑魚每位一隻，仲有唔少黃金蚌同沙白，基本上全部都好新鮮龍蝦大隻肉爽，蟹肉唔算好多，但十
海鮮粥底火鍋套餐分3款，分別有【龍蝦餐】、【海蟹餐】、【大胃王海鮮套餐】，價錢係248/288/438，豐儉由人。套餐非常豐富，性價比高，抵食！每位有涼菜2小碟、蒜蓉泰醬焗青口、時令燉湯、9款新鮮海鮮、安格斯牛肩肉、8款火鍋配料、粥底、竹蔗水/汽水任飲。
醬料 15/位
拍青瓜好食喎，夠爽同辣辣地，好啱我；泡椒雞腳都有誠意，幾入味架。
燉湯足料， 姬松茸花膠熱辣辣，滋陰養生。
蒜蓉泰醬焗青口每位兩隻，酸酸辣辣，唔錯啊。
首先店員幫我地上左鍋底，我地食到尾都冇再加湯。
海鮮好快就一次過上齊哂，超豐富，手機一定要食先。龍蝦、蟹每位半隻，海蝦每位兩隻，帶子每位一隻，貴妃蚌每位一隻，鮑魚每位一隻，仲有唔少黃金蚌同沙白，基本上全部都好新鮮
龍蝦大隻肉爽，蟹肉唔算好多，但十分鮮甜，蝦肉都十分爽彈
鮑魚大概淥5分鐘就可以，食落完全唔會韌多寶魚份量多，朋友就話好好食。
整體都滿意帶子同各款貝類，亦確實有為粥底添左少少鮮味。
安格斯牛肩肉質素唔錯喎，有牛味之餘唔會鞋或者柴
火鍋配料可以喺超過50款中揀8款，有肥牛、豬腩片、丸類、滑類、蔬菜等一般火鍋配料，份量都有寫清楚。肉類方面，我地點左日本黑豚肉、美國肥牛。
自家製蝦滑、自家製墨魚丸唔錯，墨魚丸幾彈牙呢。
食埋自家製雲吞、魚片頭、萵筍、娃娃菜，基本上最後食埋個粥底都會好飽。
食到咁上下可以加入南瓜粒、芋頭粒同粟米粒，煮到腍就加粥膽。
粥底暖粒粒，每人食左兩碗都仲有淨，粥底較綿滑
飲品方面有竹蔗水同汽水。
Post
