Video
Read full review
2019-12-15
84 views
海鮮火鍋半放題套餐$268起/位。星期五六日、公眾假期或前夕+$20、醬料$10/位、前菜$20/份。三位以上可免費享用招牌麻辣雞煲(可揀大辣或小辣)，我哋得兩個人，又唔係好食得辣，所以直接揀咗火鍋。不過見隔籬枱食，聞到陣味好香好惹味。湯底我哋揀咗【新鮮蟹鍋花甲湯底】，幾清甜，又有蟹腳蟹鉗食，抵。出去攞飲品，半放題套餐包自家煲製涼茶(任飲)，仲有多款汽水、果汁任飲。仲有唔少特別嘅韓、台式罐裝飲品。【生猛海鮮拼盤(6-8款)】配搭因應時令，今次就有鮑魚、帶子、龍躉片、脆鯇腩、海蝦、蜆、蠔。我最鍾意龍躉片，魚肉嫩滑又冇骨，味道鮮美。其他海鮮都好新鮮。【本地手切牛頸脊】油脂分布均勻，肉味濃郁。頂級任食火鍋配料都唔少選擇。【美國肥牛】夠大片，肥美。【鮮蝦雲吞】大細適中，唔駛驚食完會飽肚，入面鮮蝦又幾鮮。【芝士腸】食火鍋必點，不過唔好太喉擒，小心燙傷。【豚肉】肉味香濃。海鮮都有得任叫，頭先覺得正嘅【龍躉片】同【海蝦】一定中要不停Encore啦！【有Heart甜品】係牛奶布甸，打完邊爐㷫熻熻，整返個又甜又冰涼嘅甜品就啱晒。呢度仲有貓頭鷹時段，9:30後入座啤酒特價，仲有英超直播，約埋班波入嚟邊食邊
海鮮火鍋半放題套餐$268起/位。星期五六日、公眾假期或前夕+$20、醬料$10/位、前菜$20/份。
三位以上可免費享用招牌麻辣雞煲(可揀大辣或小辣)，我哋得兩個人，又唔係好食得辣，所以直接揀咗火鍋。不過見隔籬枱食，聞到陣味好香好惹味。
湯底我哋揀咗【新鮮蟹鍋花甲湯底】，幾清甜，又有蟹腳蟹鉗食，抵。
出去攞飲品，半放題套餐包自家煲製涼茶(任飲)，仲有多款汽水、果汁任飲。仲有唔少特別嘅韓、台式罐裝飲品。
【生猛海鮮拼盤(6-8款)】配搭因應時令，今次就有鮑魚、帶子、龍躉片、脆鯇腩、海蝦、蜆、蠔。我最鍾意龍躉片，魚肉嫩滑又冇骨，味道鮮美。其他海鮮都好新鮮。
【本地手切牛頸脊】油脂分布均勻，肉味濃郁。
頂級任食火鍋配料都唔少選擇。
【美國肥牛】夠大片，肥美。
【鮮蝦雲吞】大細適中，唔駛驚食完會飽肚，入面鮮蝦又幾鮮。
【芝士腸】食火鍋必點，不過唔好太喉擒，小心燙傷。
【豚肉】肉味香濃。
海鮮都有得任叫，頭先覺得正嘅【龍躉片】同【海蝦】一定中要不停Encore啦！
【有Heart甜品】係牛奶布甸，打完邊爐㷫熻熻，整返個又甜又冰涼嘅甜品就啱晒。
呢度仲有貓頭鷹時段，9:30後入座啤酒特價，仲有英超直播，約埋班波入嚟邊食邊飲邊睇，諗起都High。
Post
