當晚係星期六，一入到去人山人海，原來酒樓有做任食火鍋，聽講質素都唔錯，不過前幾日先打完邊爐，於是就擺位食小菜。
一入到去就見到有個好大的魚缸，入面放左鮑魚、龍蝦、魚（我估係斑）、長腳蟹等多款海鮮，心諗嚟呢度食海鮮實無死。
一開波就叫條有聲稱2兩重的海斑，做緊特價百零蚊條，蒸到啱啱好熟，肉質夠實，夾落去有魚味，唔錯，都夠3至4個人食！
跟住叫左一斤白灼蝦，都幾新鮮！
蒜蓉粉絲蒸扇貝，都幾好味，不過多油左少少。
整體上都唔錯，原本仲想食多個片皮鴨，不過食左呢幾樣加埋個菜個肚已經投降了，唯有等下次先啦！
