戀上台式料理 (Closed)

其實而家將軍澳開左好多有海景的餐廳，沿住海濱長廊，環境舒服，可以帶下狗仔去，好chill🐶 除左大家都知的jomo,今日就介紹下呢間台式料理，等大家多個選擇😀 我個日去食下午茶餐，又比想像中的性價比高bor! 我地叫左一個台式紅燒牛肉刀削麵，呢個份量都幾多，同普通size一樣，入面有一舊白蘿蔔，一舊紅蘿蔔同啲牛肉😛 湯底清甜，有牛骨的香味，唔系太肥，幾清😋 蘿蔔好腍，牛肉應該用牛肋條，一樣都炆到好腍，易咬又入味❤️ 刀削麵好粗，所以食落更唔易一patpat，啱晒我口味。唯一差小小的就系啲麵未能索到個湯，所以你見到都系比較偏白色🤭 另一個鹽酥雞排魯肉飯🥳 呢個一樣都冇失望！佢的鹽酥雞系好特別，唔似一般咁，有好多味粉，佢個皮都特別脆, 粉漿唔會太厚，面頭有啲粒粒所以食落好脆😍 佢地會比個千島醬你沾，咁就會更好味🥳((我系沙律醬控)) 滷肉飯都唔錯！用半肥瘦的肉所以會好香🤓 將佢地切成粒粒，撈勻食就啖啖都有，好滿足☺️ 最中意系滷肉飯我珍珠米，煙煙韌韌！但唯一差啲就系略嫌唔夠汁，有小小乾😕 但下午茶咁的價錢包嘢飲，又咁chill，正😗