麥金.麥金馬來西亞特式茶啡室 (Closed)

一講起馬來西亞菜會即刻諗起肉骨茶同埋咖央多士，今次想黎試下麥金麥金馬來西亞特式茶啡室，位置係大角咀附近，上網睇都係知道佢係抵食為主，所以今日特登黎試下。下午茶時間，一入到去都幾多人，同埋裝修都幾好古典味道，會有個舊式播音樂機。一定要試嘅就係個椰香鮮油咖央多，好香椰味，唔就好甜，趁熱食好食。另外仲叫左南洋鮮油燒麵包，呢個包嘅感覺係會硬身少少，見到塊牛油好似好多咁，其實得半塊但又太好味所以合埋眼食咗佢冇咁大罪惡感。我知你啦薄餅+串燒，有兩款咖喱汁去送個薄餅，串燒好好味，啲沙嗲醬嘅味道好正宗，啲豬肉食得出好爽口。最後點左個檳城福建蝦面。首先佢個湯底嗰蝦味好濃，面底都好爽口，又有蝦又有扎肉又有半隻蛋，其實都好多餸同埋做主食一流。飲品方面就叫咗個怡保白咖啡，好香咖啡味唔會話太甜，都幾好飲。果然真係抵食自選，同埋其實馬來西亞菜嚟講都幾正宗，如果行過奧運站附近我都覺得可以嚟試吓。