Torimen (Closed)

今日放lunch想食日本菜，搵到呢間係蘇豪區出名食日式串燒同拉麵嘅TORIMEN。係就係要行遠少少去到伊利近街，但勝在放lunch呢啲rush hour唔使等位，一行到去就有得坐低食啦！ 今朝一早就返到office，所以lunch非常肚餓，我點左一個和食套餐連串燒，主食揀咗牛肉雜菜鍋 ($118)，串燒可以選三款，啱晒多心既我 講吓個鍋先，牛肉嘅份量好足，而且非常鮮嫩，湯嘅味道偏甜，係正宗嘅日本牛肉鍋嘅味道。 其實今日唔想食咁多肉，所以串燒方面我係眾多選擇入邊揀咗全素嘅三款：日本青椒仔、日本冬菇同日本大蔥。 三款串燒燒得熱辣辣咁上碟好香呀！串燒無加任何調味料，食得出新鮮食材的真味。。。我諗呢個正正係呢度啲串燒出名嘅原因吧! 今日天氣凍，呢個定食暖身又飽肚，食到幸福的感覺呢！ 多人黎食有優惠，下次可以早早plan定，多啲人又可以搭的士可以share 嘛！