海鮮喇沙摻摻味道不過不失，勝在海鮮嘅數量好多，有好多隻蝦同蜆。
而南乳雞翼撈麵就比較好食，撈麵好香。雞翼亦都好惹味，南乳味十足。另外仲有雞湯一碗。
另外，我地都跟餐加$18叫左兩個小食，有白雲酸辣鳳爪同埋馬鈴薯炸蝦卷。酸辣鳳爪嘅味道酸酸甜甜，再有啲辣味，十分開胃，仲可以中和一下其他食物較濃嘅味道，配搭主食唔錯。
而馬鈴薯炸蝦卷就不過不失，都幾香口，點辣醬食較好食。
另外，我地仲叫左個小食，白汁煮藍青口，呢個係我地叫嘅野食入面最好食
，青口好新鮮，配上白汁嘅味道好夾。佢上菜嘅碟墊都好靚
。
最後，我地叫左個紫薯牛乳慕絲，跟餐價係$22。呢個蛋糕都上得好靚。蛋糕有香濃嘅牛奶味同埋淡淡嘅紫薯味
。
