茶記冰室 (Closed)

記我以之睇過套電影叫金玉滿堂，一直想試下電影入面某個菜式－冰鎮咕嚕肉，估唔到原來現實真係有得食，決定即刻去試吓！🤗依間餐廳位於石蔭，算係依區居民主要食堂之一－茶記冰室環境比起一般冰室寬敞舒適，而且店員嘅服務態度好好一坐底無耐已經推介新菜式就係特登嚟食嘅冰鎮咕嚕肉。☺冰鎮奶茶大家就聽得多亦都飲得多，冰鎮咕嚕肉真係盞鬼又好味😍！咕嚕肉嘅皮炸得好香脆，外脆內軟加上冰凍嘅感覺，口感特別之餘比起平時食開嘅咕嚕肉仲要脆好多，味道一流之外賣相仲好特別，平時咕嚕肉得菠蘿做伴菜，依間餐廳竟然配埋車厘茄同提子，出奇地又幾配撘，認真鬼馬🤤🤤！！再嚟係店主推介嘅招牌菜－燒薯牛肉粒，牛肉粒軟綿入味肉質鮮嫩，牛味好重亦都好有咬口，薯仔燒得香脆可口，最重要係用佐黑椒蜜糖醬調味，食落好醒胃，難怪可以成為招牌菜👍🏻。最後叫多佐個豉汁蒸白鱔，估唔到係茶餐廳竟然有新鮮海鮮食😛😛白鱔好滑完全無泥味，豉汁又香又惹味同白鱔配合得極好，豉汁加白飯亦都認真一流！😍😍另外不得不提樣樣餸嘅份量都唔少，大件夾抵食啊！每樣餸仲有例湯送仲要唔係一般嘅味精湯而係足料靚湯😚！！咁抵食又好食嘅茶記，難怪會成為依區居民嘅主要聚腳點之一。🤗